డయాబెటిస్ { చక్కర వ్యాధి } ను జయించడం ఎలా ?:

కడుపునిండా అన్నం ! ఒళ్ళంతా రోగం !

డయాబెటిస్- వ్యాధి కాని వ్యాధి . వ్యక్తి జీవన శైలి సరైన మార్గం లో లేనప్పుడు వచ్చేది .

సరైన జీవన శైలిని అనుసరించడం ద్వారా దీన్ని సులభంగా జయించొచ్చు . మందులు వాడాల్సిన అవసరం లేకుండా హాయిగా జీవించొచ్చు .

మన తీసుకొనే ఆహారం లో 1 . కార్బోహైడ్రేట్లు { పిండి పదార్థాలు } 2 . ప్రోటీన్ లు { మాంసకృత్తులు } ౩. ఫ్యాట్స్ { కొవ్వు పదార్థాలు } 4 . విటమిన్లు , 5 మినరల్స్ 6 . పీచు ఉంటాయి .

మనిషి పుట్టి నలబై లక్షల సంవత్సరాలయ్యింది . మన పూర్వీకులు ఎలాంటి ఆహారం తీసుకొన్నారు అనే దానిపై ఆధార పడి, సూక్ష్మ పరిణామ క్రమం లో మన శరీరం అందుకు అనుగుణంగా తయారయ్యింది . మానవ జాతి 99 శాతం సమయం ప్రకృతిలో సహజంగా దొరికే ఆహారం { దుంపలు , కాయలు , పళ్ళు , వేటాడి చంపిన జంతువుల మాసం } పై ఆధార పడింది . వ్యవసాయం అంటే పంటలు పండించడం, కేవలం అయిదు వేల సంవత్సరాల క్రితం మొదలయింది . అందులో మొన్నటి దాక పండించిన పంటలు వేరు . వాటిని పండించిన విధానం , వాటిలో పోషక విలువలు వేరు . అదీ కాకుండా పండించిన ధాన్యాలే తో పాటు కాయలు, పళ్ళు లాంటివి బాగా తినే వారు .

మీరున్నారు . మా నాన్న గారు . తాతగారు . ఆలా వెనక్కు వెళితే మీకు కోటి ఇరవై లక్షల పూర్వీకులున్నారు . వారిలో మీది మీ నాన్న గారిది ఒక దారి . మిగతా కోటి ఇరవై లక్షల తొంబై తొమ్మిది వేల తొమ్మిది వందల తొంబై ఎనిమిది మందిది ఒక దారి . మీ పూర్వీకుల ఆహారపు అలవాట్లు మీ శరీరాన్ని ఏర్పరిచాయి . వారి దారిలో కాకుండా మీరు కొత్త దారిలో వెళుతున్నారు . దారితప్పిన మీకొచ్చేదే చక్కర వ్యాధి .

అంటే ఏంటిప్పుడు ? పూర్వీకులు గుహల్లో నివసించేవారు . ఆకులూ అలములు కట్టుకొనే వారు . కాబట్టి ఇప్పుడు మన కూడా అడవి మనుషులు అయిపోవాలా? బతికేది కొంతకాలం . హ్యాపీ గా తినకుండా ఈ సోది ఏంటి ? అనుకొంటున్నారా ? అయితే ఈ మెసేజ్ చదవడం ఇక్కడితో ఆపేయండి . మీ శరీరం .. మీ ఇష్టం .. ఇడ్లీ లు .. బిర్యానీలు .. కోక్ లు... పిజ్జా లు .. పరోఠా లు .. రెచ్చిపోండి . ఆపేదెవ్వడు . అడీగేదెవ్వడు . గాంగ్రీన్ .. ఈ ఒక్క మాట గుర్తు పెట్టుకోండి . జీవితం ముప్పావు వంతు నాశనం అయిపోయినప్పుడు ఈ మాట ఒక సారి వినిపిస్తుంది . అప్పుడైనా వినదగు నెవ్వరు చెప్పిన .. వినంతనే వేగపడక .. అనే ఆర్యోక్తి గుర్తుకు తెచ్చుకోండి . bye ...

చక్కర వ్యాధి ని జయించడం ఎలా ?

అసలు ఇదొక వ్యాధే కాదు . శృతి తప్పిన జీవన రాగం .. దారి తప్పిన జీవనం .

తిండి తిన్నాక తొంబై నిముషాలకు మీ రక్తం లో గ్లూకోస్ శాతం చెక్ చేసుకోండి . ఇలాంటి మెషిన్ లు మెడికల్ షాప్ లో దొరుకుతాయి . మీ రీడింగ్ 140 లోపు అయితే మీకు ఎలాంటి సమస్య లేదు . 140 - 180 మధ్యలో అయితే మీరు ప్రారంభ దశలో ఉన్నారు. 250 లోపు ఉన్నా ఫరవా లేదు . నేను చెప్పిన పద్ధతిలో ఈ సమస్య ను జయించొచ్చు . మూడు వందలు దాటితే మీకు ఇన్సులిన్ లోపం ఎక్కువ గా వుంది . బహుశా ఇప్పటికే మీరు ఇన్సులిన్ తీసుకొంటూ వుండొచ్చు . అప్పుడు నేను చెప్పిన పద్ధతిలో ఎలా ముందుకు వెళ్ళాలి అనేది వైద్యుడి సూచన మేరకు చెయ్యాలి . వీర మాచినేని గారు తనదైన డైట్ ను సూచిస్తూ ఎంతో మందికి ఉచిత సేవలు అందిస్తున్నారు . ఇలాంటి వారు ఆయన సూచనలు పాటించొచ్చు .

నాకు 2011 లో ఈ సమస్య ఉన్నట్టు అర్థం అయ్యింది . లోతుగా అధ్యయనం చేసి నాకు నేను రూపొందించుకున్న విధానం ఇది . దీనితో నేను ఈ సమస్య నుంచి పూర్తిగా బయటపడడమే కాకుండా ఆరోగ్యం పట్ల మరింత శ్రద్హ పెట్టి వ్యాయాయం చేసి సిక్స్ ప్యాక్ పొందాను . సిక్స్ ప్యాక్ అంటే షో కాదు . శరీరం లో అధిక కొవ్వు ను తొలగించడం .

నేను చెప్పిన విధానం లో కొవ్వు తగ్గించుకోవచ్చు . బిపి ని కంట్రోల్ లో పెట్టుకోవచ్చు . రక్తం లో క్లోట్స్ రాకుండా చూసుకోవచ్చు . అంటే మెదడుపోటు, గుండెపోటు రాకుండా చూసుకోవచ్చు .

డయాబెటిస్ కు ప్రధాన కారణం ఒత్తిడి .. స్ట్రెస్ . మీకు తెలిసిన పదిమంది వివరాలు సేకరించండి . జనాలను స్థూలంగా రెండు రకాలుగా విభజించొచ్చు . స్ట్రెస్ పార్టీ . కూల్ పార్టీ . మొదటి రకం .. గాబరా మనుషులు . ప్రతి చిన్నదానికీ హైరానా పడిపోతుంటారు . ఇలాంటి వారిలో నూటికి తొంబై మంది నలబై దాటితే డయాబెటిస్ తెచ్చుకొంటారు . కొంతమంది నిమ్మకు నీరెత్తినట్టు వుంటారు . ఏముందిలే అంటూ ముందుకు సాగిపోతారు . వీరు పొద్దున్న పది ఇడ్లీ లు తిన్న వెంటనే అయిదు అరటి పళ్ళు తిన్నా షుగర్ కంట్రోల్ లోనే ఉంటుంది .ఆధునిక జీవనం అంటే పోటీ . పోటీ పడితినే విజయం . నిమ్మకు నీరెత్తినట్టు ఉంటే సక్సెస్ రాదు . పోటీ పడుతూనే ఒత్తిడి ని జయించడం ఒక కళ. ఇది అందరూ నేర్చుకోవాలి . అదొక ప్రత్యేక పాఠం . మరో మెసేజ్ లో చెబుతాను .

మీకు జ్వరం ఉన్నప్పుడు షుగర్ చెక్ చేసుకోండి . మామూలుగా ఉన్నదానితో పోలిస్తే ఎక్కువ రీడింగ్ వస్తుంది . కారణం జ్వరం వల్ల బాడీ లో స్ట్రెస్ . ఇది తాత్కాలికం . మనం తెచ్చిపెట్టుకున్న ఒత్తిడిని జయించాలి . లేకపోతె షుగర్ సమస్య ఖాయం .

షుగర్ సమస్య కు, అధిక బరువుకు మరో ప్రధాన కారణం నిచ్చలమైన జీవన శైలి . అదేదో సినిమా లో బ్రహ్మానందం అన్నట్టు మా తాతే ఇలా చెయ్యకుండా ఉండివుంటే .. మన పూర్వికులు రోజంతా నడుస్తూ గడిపేశారు . వేట ఆహార సేకరణ .. పోడు వ్యవసాయం .. సాంద్ర వ్యవసాయం, చేతి వృత్తులు .. రోజంతా పనే .. నడకే . మనిషి శరీరం కూర్చోవడానికి అనుగుణంగా లేదు . ఇది కఠోర వాస్తవం . సరే .. అడవులకు పోలేము . వేటాడలేము .. నిజమే . కనీసం రోజుకు ఒక గంట కూడా నడవకుండా సోఫా సెట్- ముందు టీవీ -చేతిలో సొల్లు ఫోన్ -మరో చేతిలో చిరు తిళ్ళు . ఇదేనా బతుకు ? బతకడం కోసం తినాలి . తినడం కోసమే బతుకుతాము అంటే ఎలా ? గాంగ్రీన్ లు గుండెపోట్లు , కీళ్లనొప్పులు రావా మరి ? రోజుకు కనీసం 45 నిముషాలు వేగం గా నడవడం అవసరం .

పిల్లలు ఆటలు ఆడుతారు . ఆటలు ఆడడం ఆగిన వయసులో నడక మొదలవ్వాలి . మరో విషయం.. నేను చెప్పబోతున్న ఆహార నియమాలు ఎవరో ముసలి ముతకకు మాత్రమే కాదు . చిన్న పిలల్లతో మొదలెట్టి ప్రతిఒక్కరికి ....

ఉప్పు చంపేస్తుంది .

రెండు గ్రాముల ఉప్పు రోజుకు సరిపోతుంది . మనలో అధిక శాతం ఇంతకు పది రెట్లు ఉప్పును శరీరంలోకి తోసేస్తున్నారు . అది వెళ్లి కీళ్లను తినేస్తుంది . బిపి ను పెంచేస్తుంది . ఉప్పులేని సాంబార్ ను తినమని చెప్పడం లేదు . జామ కాయ .. మామిడి కాయ కు కూడా ఉప్పు కావాలా ? ఉప్పు లేకుండా పెరుగన్నం తినగలరా ? వాక్ అనిపిస్తుంది కదా . ఒక రోజు ట్రై చెయ్యండి . అన్నాన్ని బాగా నమలండి . అందులోని కమ్మదనాన్ని రుచి చూస్తారు . ఆలా వారం పాటు బలవంతంగా నైనా ఉప్పులేకుండా పెరుగన్నం తినండి . అటు పైన మీరు ఉప్పు వేసుకోవడం వల్ల పెరుగన్నం రుచిని ఎంతగా కోల్పోతున్నారోగ్రహిస్తారు . లక్ష రూపాయిలు ఇస్తామన్నా పెరుగన్నం లో ఉప్పేసుకోరు .

ప్రతి రోజు ఖీర తినండి . శరీరం లోకి వెళ్లే ఉప్పు తగ్గిపోతుంది . పొద్దున్న ఉరికించిన గుడ్డు . పన్నీర్. మొలకెత్తిన విత్తనాలు , నాలుగు కొబ్బరి ముక్కలు , బాదాం , .. ఇందులో ఉప్పెక్కడుంది ?

పెద్దలు రోజుకు నాలుగు లీటర్ ల నీరు తాగాలి . పిల్లలు వారి వయసును బట్టి ఒకటి నుండి రెండు లీటర్ లు . ఉప్పేమో పది రెట్లు.. నీళ్ళేమో తాగాల్సిన దాంట్లో పదోవంతు కూడా తాగరు . మరి రోగాలు వస్తాయంటే రావా ? అధిక బరువు, స్ట్రెస్, నిద్ర లేమి, నీరసం ... . నీరు తాగక పోవడం వల్ల వచ్చే సమస్యల లిస్ట్ కొండవీటి చేంతాడు.

ఇక ఫుడ్ విషయం . డైట్ ప్లాన్ ఇవ్వండి అని చాల మంది అడుగుతున్నారు . ప్లాన్ లేదు .. పాడు లేదండీ .. చాలా సింపుల్ .

పైన చెప్పిన ఆరు పోషకాల్లో మనకు కొవ్వు పదార్థాల లోటు లేదు . కొవ్వు పదార్థాలు కాస్త ఎక్కువ తీసుకొన్నా సమస్య లేదు . అందరూ అనుకున్నట్టు రక్తం లో కొలెస్ట్రాల్ లెవెల్ పెరగడానికి, అధిక బరువు కు కారణం కొవ్వు కాదు . అసలు కారణం పిండి పదార్థాలే .

మీరు టిఫనీలు చేసారా ? ఏమి తిన్నారేంటి ? నాలుగు ఇడ్లీ లు సాంబార్ చట్నీ . లేదా నాలుగు దోశలు చట్నీ . లేదా పూరి, చపాతీ, బ్రెడ్ .. పొంగల్ .

స్థూలంగా చెప్పాలంటే మీరు మీ శరీరం లోకి తోస్తున్న ఆహారం లో 85 శాతం పిండి పదార్థాలే. ప్రతి దానికీ ఓ లెక్కుంటుంది . లెక్క తప్పితే చిక్కు . తీసుకోవలసిన ఆహారం లో పిండి పదార్తాలు యాభై శాతం మించకూడదు . అది ముప్పై శాతానికి తగ్గించినా సమస్య లేదు .

ఒక పక్క అధిక మొత్తం లో పిండి పదార్థాలు కడుపులోకి తోసేస్తూ మరో పక్క శరీర దృఢత్వానికి అవసరం అయిన మాంసకృత్తులు అందకుండా చేస్తున్నారు . ఇక కండెక్కడ ? చర్మం . దానికి కింద కొవ్వు .. అన్నట్టు మీరు తిన్న ఇడ్లీ దోస లాంటి పిండి పదార్తాలే కొవ్వు గా మారి పోతాయి . ముప్పై వస్తే ఫ్యామిలీ ప్యాక్ . నన్ను అంకుల్ అంటారేంటని ఫేస్బుక్ పై పోస్ట్లు . నలబై దాటితే కళ్ళ కింద క్యారీ బాగ్ లు .. రావా మరి ?

తీసుకొనే ఆహారం లో ప్రోటీన్ అదే మాంసకృత్తులు 25 శాతానికి తగ్గకుండా చూసుకోవాలి . మన దేశం లో నూటికి ఎనభై మంది ప్రోటీన్ లోపం తో బాధ పడుతున్నారు . కనీసం పది శాతం ప్రోటీన్ కూడా శరీరం లోకి పంపడం లేదు . ప్రోటీన్ తింటే కిడ్నీ లు పోతాయట . వామ్మో .. ఏమి జ్ఞానం అండీ బాబోయ్ . మడిసి వేట ఆహార సేకరణ దశలో ప్రధానంగా తిన్నది ప్రోటీన్ లు. కిడ్నీ లో పొయ్యే పనైతే మానవ జాతి అంతరించిపోయి ఉండాలి . ఇతరత్రా కారణాల వల్ల ఇది వరకే కిడ్నీ సమస్యలు వున్నవారికి మిహాహాయింపు . మిగతా వారు శుభ్రంగా ప్రోటీన్ లు తీసుకోవచ్చు .

ఇలా చెబితే పోస్ట్ లెంగ్త్ ఎక్కువవుతుంది . మీరు ఏమి తింటున్నారో అదే తినండి . కానీ అందులో పిండి పదార్థాలు బాగా తగ్గించండి . నాలుగు ఇడ్లీ ల కు బదులు ఒక ఇడ్లీ . ముప్పై ఏళ్ళు లోపు ఉండి బాధిక బరువు లేనివారు నాలుగు ఇడ్లీ ల కు బదులు రెండు . ఇడ్లీ దోస పూరి పొంగల్ . పేరు ఏదైనా పండించిన ధాన్యాల్లో అంటే బియ్యం, గోధుమ, జొన్నలు , రాగులు, సజ్జలు, కొర్రలు లాంటి వాటిలో ఉండేది పిండి పధార్థాలు . వీటిని బాగా తగ్గించాలి . సగానికి సగం తగ్గించాలి . అంటే కడుపు మాడ్చుకోమని కాదు . నాలుగు ఇడ్లీ లు కడుపులోకి తోయడానికి మీరు వాడిన పదార్థం సాంబార్ , చట్నీ . చట్నీ అంటే ఒక మాదిరి . సాంబార్ అంటే నీళ్ళే కదా ? అందులో ఏముంది ? ఈ రోజు ఒక ఇడ్లీ దానితో బాటు సాంబార్ . కానీ సాంబార్ లో ఇడ్లీ తో పోలిస్తే అంతకు నాలుగు రెట్లు కాయగూరలు ఉండాలి . పచ్చి ఖీర కూడా తినొచ్చు . కాయగూరల్లో పీచు ఉంటుంది . విటమిన్ లు మినరల్స్ ఉంటాయి . కాన్సర్ నుంచి రక్షించే అంటి యాక్సిడెంట్ లు ఉంటాయి .

చికెన్ , మటన్ , చేపలు , గుడ్డు .. మాంసాహారులకు ; పన్నీర్ , జామ కాయ , బ్రోకలీ , పప్పు .. శాఖాహారులకు ఇవే ప్రధానంగా ప్రోటీన్ లు ఇచ్చే ఆహారం . ఇవి బాగా తినాలి .సొయా లో ప్రోటీన్ లు సమృద్ధి . కానీ తినొద్దు . సొయా మంచిది కాదు . థైరాయిడ్ లాంటి ఆటో ఇమ్యూన్ సమస్యలు వస్తాయి . అన్నట్టు ఆటో ఇమ్యూన్ అంటే గుర్తొచ్చింది . టైపు వన్ దియాబెటిస్ ఆటో ఇమ్యూన్ సమస్య . నేను చెబుతున్నది పెద్దల్లో వచ్చే దియాబెటిస్ గురించి . అంటే టైపు 2

ఇదే ఫార్ములా లంచ్ కి డిన్నర్ కి. మీరు తినేదే తినండి . కానీ పిండి పదార్థాలు బాగా తగ్గించాలి . అధిక బరువు, చక్కర వ్యాధి తీవ్రంగా ఉన్న వారు పిండి పదార్థాలను ముప్పై శాతానికి తగ్గించాలి .

ఒకటి చెప్పనా ? మనం తినే కాయగూరల్లో కూడా పిండి పదార్థాలుంటాయి . అవి చాలు .

ప్రోటీన్ లు బాగా పెంచాలి . చికెన్ బిర్యానీ తింటున్నారు . అందులో రైస్ మూడో వంతు కు తగ్గించండి . ఒక ఖీర . చికెన్, రైస్ కు రెండు రెట్లు వీలయితే మూడు రెట్లు . అన్నం - పప్పు తింటున్నారు . అన్నం ఒక కప్పు . పప్పు ఒక కప్పు .. వీలైతే రెండు కప్పులు పప్పు . ఖీర లాంటి పచ్చి కూరలు . ఆకుకూరలు కూడా తినండి . సాంబార్ అన్నం తింటున్నారు . అన్నం ఒక కప్పు . సాంబార్ లో ముక్కలు అన్నానికి నాలుగు రెట్లు . బంగాళాదుంప అన్నం లాంటిదే . ఇది వద్దు బెండ కాయ బీర కాయ సొర కాయ . వంకాయ మీ ఇష్టం .. మీ టేస్ట్ . ఎలా వండుకొంటారు .. ఎలా తింటారు అనేది మీ ఇష్టం .

తెల్లన్నం అధమం . దానికంటే బిర్యాని రైస్ కాస్త బెటర్ . దానికంటే బ్రౌన్ రైస్ అంటే దంపుడు బియ్యం బెటర్ . దానికంటే జొన్నలు సజ్జలు రాగులు బెటర్ . దానికంటే కొర్రలు లాంటివి బెటర్ . మీ ఇష్టం .. మీ బడ్జెట్ .. మీ టేస్ట్ . కానీ ఇలాంటివి బేసిక్ గా పిండి పదార్తాలు . యాభై శాతానికి దాటకూడదు . బరువు తగ్గాలి అనుకొనే వారికిస్ షుగర్ కంట్రోల్ చెయ్యాలి అనుకొనే వారికి ముప్పై శాతం చాలు.

ఇక గోధుమలు . గోధుమ రొట్టి తింటే షుగర్ కంట్రోల్ అవుతుంది అనేది పచ్చి బూతు . పిండమరకు వెళ్లి గోధుమలను మర పట్టిస్తే అదొక రకం . అది కూడా పిండి రూపం లో ఉండడం తో దాని గ్లైసెమిక్ ఇండెక్స్ ఎక్కువ . గ్లైసెమిక్ ఇండెక్స్ ఎంత తక్కువ ఉంటే కాలేయం పై అంత తక్కువ ఒత్తిడి .

ఈ రోజుల్లో గోధుమ పిండి లో మైదా కలుపుతున్నారు . అందుకే అవి మెత్తగా ఉంటాయి . నాన్ .. చుక్క రోటి .. తొక్క రోటి .. అన్నీ మైదాలే . తింటే కోలన్ కాన్సర్ ఖాయం . పరాటాలు ఎక్కువ తినే తమిళుల్లో ఈ రకం కాన్సర్ అధికమవుతోంది . రాత్రి పరోటా నో తొక్క రోటి { అదే లెండి చుక్క రోటి } నో తింటే ఆరోగ్యం అని అమాయకులు రోగాలను కొని తెచ్చుకొంటున్నారు .

పైన చెప్పిన ప్రోటీన్ లు .. వాటితో పాటు ఆకుకూరలు కాయగూరలు ఎక్కువగా తినాలి . వీటిలో పీచు, విటమిన్స్, మినరల్స్ ఉంటాయి . బరువు తగ్గాలి అంటే కొంతమంది కడుపు మాడ్చుకొంటారు . ఇది అజ్ఞానం . బరువు తగ్గాలి అని మందులు మాకులు తింటే కిడ్నీ లు పోతాయి . లో కెలొరీ ఫుడ్ తినడం ఒకటే బరువు తగ్గడానికి సరైన మార్గం . ఆకుకూరలు కాయగూరలు లో కెలొరీస్ ఆహారం . దుంప కూరలు వదిలెయ్యండి . వాటిలో పిండి పదార్థాలు అధికం .

కడుపు నిండా అన్నం .. ఇదొక పెద్ద అజ్ఞానపు మాట . అన్నం అంటే రైస్ అనే అర్థం లో తీసుకొంటే అది పిండి పదార్థాలు భోజనము అవుతుంది . పోనీ ఆకుకూరలు కాయగూరలు కూడా అన్నం అనే పదం లోకి వస్తాయి అనుకొంటే అసలు కడుపు నిండా ఎపుడూ తినకూడదు . కాస్త ఖాళీ పెట్టాలి . వంద తింటే కడుపు నిండుతుంది అంటే ఎనబై చాలు .

ఇక పళ్ళు .. పళ్ళు తింటే షుగర్ సమస్య రాదు . షుగర్ సమస్య ఉన్న వారికి పళ్ళు మంచివి కావు . ఈ రెండు వాక్యాల్లో మొదటిది పూర్తిగా కరెక్ట్ . చిన్నపటినుంచి పిలల్లకు పళ్ళు ఆహారంగా ఇస్తే వారికి పెద్దయ్యాక కాన్సర్, షుగర్, బిపి లాంటి రోగాలు రావు . ఆనం తిన్నాక పళ్ళు తినకూడదు . పళ్ళని ఖాళీ కడుపులో తినాలి . పళ్ళు తిన్నాక కనీసం రెండు గంటలు అన్నం తినక పొతే మంచిది . షుగర్ సమస్య వున్నవారు నేను చెప్పినట్టు గా పిండి పదార్తాలు బాగా తగ్గిస్తే సాయంకాలం వాకింగ్ ముందు ఒక పండు తినొచ్చు .

మీ షుగర్ లెవెల్ ను తరచూ చెక్ చేసుకోండి . పిండి పధార్థాలు ఎంత మేర తగ్గించాలి ?.. పండు తినొచ్చా ?.. తింటే బాగా తియ్యటి, మామిడి అరటి లాంటివి కూడా తినొచ్చా? అనేది మీ షుగర్ లెవెల్ బట్టి ఉంటుంది . 180 దాక ఉంటే ఏమీ కాదు . తిండి తిన్నాక తొంబై నిమషాలకు వచ్చే రీడింగ్ . ఒక నెల పాటు రెగ్యులర్ గా చెక్ చేసుకొంటే మీ శరీర తత్త్వం మీకే అర్థం అయిపోతుంది . దాన్ని బట్టి ప్రొసీడ్ అయిపోవచ్చు . అటు పైన నెలకో ఒక సారి షుగర్ లెవెల్ చెక్ చేసుకొంటే చాలు .

షుగర్ సమస్య లేని వారు మాకేంటి ఎంతైనా పిండి పదార్థాలు హ్యాపీ గా తినేయొచ్చు అనుకొంటున్నారా ? సమస్య ఒక్క షుగర్ తోనే కాదు . పిండి పదార్తాలు ఎక్కువైతే కొవ్వు .. ఫామిలీ ప్యాక్ .. కెళ్లనొప్పులు .. రక్తం లో క్లోట్స్ .. ఇలా చాలా సైడ్ బెనిఫిట్స్ ఉంటాయి . బెనిఫిట్స్ మీకు కాదులెండి . ఫార్మసురులకు .

ఇవి కాకుండాప్రకృతి లో దొరికే ఆహారం .. తాటి నుంజెలు .. రేగు పళ్ళు , కొబ్బరి , గేగులు ఇలాంటి వాటిని బాగా తినండి . ప్యాకెట్ లో వచ్చే ఆహారం లో అధిక శాతం విషమే . పొలాల్లో, అడవుల్లో , బండ్ల పైన దొరికే ఆహారం అమృతం .

వాల్ నట్స్ చాలా అవసరం . రోజుకు రెండు మూడు తినాలి . షుగర్ సమస్యలేని వారికి, నేను చెప్పిన పద్ధతిలో దాన్ని జయించిన వారికి డ్రై ఫ్రూప్ట్స్ మంచి ఫుడ్ . వేరుశనిగెలు లాంటి నట్స్ మంచివి

పోస్ట్ ను కనీసం రెండు సార్లు చదవండి . బాగా అర్థం చేసుకోండి .

సరైన జీవన విధానమే ఆరోగ్యం .

ఆరోగ్యమే అసలు భోగం .. మహా సంపద !

సర్వే జనా సుఖినోభవంతు !